香港攝影文化以跟風、器材先決、技術先決為主。基於香港人沒有受得太多的藝術觀賞教育,深受相機商家的影響,人云亦云,及一大班盲目追隨,不去思考。

在facebook上看到某位攝影大師指出:

唔該自稱「當代」但好睇唔起「沙龍」那些「攝影藝術家」睇下,繼2012馬來西亞攝影家Wei Seng Chen影的沙龍風格賽牛在WPP 的 sport action 組得No.1 , 2013年由掛正 Contemporary Photography 名的攝影機構 LensCulture 攪的Exposure 2013的 Single Image Award Winners 「竟然」 再由龍味十足的作品得 No.1!

這證明甚麼?證明藝術要包容,好就係好,唔理乜風格;唔該香港攪「香港攝影節」的諸君醒醒,香港的沙龍攝影唔係十惡不赦,沙龍攝影是香港攝影文化的極重要的一部份,請尊重一下香港的攝影文化、尊重一下香港的攝影歷史、根源, 下一屆攝影節唔該把香港的沙龍攝影擺番入去,否則請把「攝影節」前面的「香港」兩個字刪去。

我不是「香港攝影節」的打手,基本上冇咩去理會,簡單啲嚟講,姐係鳩噙下,加唔加入沙龍對我嚟講都係冇咩所謂,還掂都係一潭死水,無知龍友當道、老屎忽大師阻住晒。藝術從來都是不斷尋求答案的東西,不一定要包容、也可以破舊立新,沒有一定方向,更加不會迫別人去接受自己對藝術觀感。藝術發展出無數不同的主義,其中達達主義[1]更是一種反藝術的藝術,其特徵包括拒絕約定俗成的藝術標準、不斷尋找新的藝術可能性。係唔係一定要破舊立新呢?咁又唔係喎,藝術發術得閒反下傳統、得閒溝下啲傳統嘢,溝下啲新嘢,再變啲新嘢出嚟。見到呢個攝影大師一味係咁屌,連攝影沙龍都冇解釋下係咩:攝影沙龍是源自1891年,由維也納繪畫沙龍演變過來的,有人可以在沙龍攝影去到很高的技術境,但一般來說是業餘、題材百年如一(自然、人物、動物)十分講求構圖、用光等等技術層面的東西,現場真實感、事實本身、真實性需要退讓給以技術為先的沙龍攝影。而龍友是一個經傳媒過度喧染變成一個負面詞語,(姐係旺角長鏡影大媽、𡃁模個啲uncle,完全over ride晒沙龍攝影意思)。龍友是沒有思考、拍攝女色、會花錢去購買器材、作品淡而無味(睇完比個like就算、剌點呢?),啊uncle,你都係返去旺角影大媽喇。

 

 

攝影雖然離不開科技,但不應該由科技決定創作題材、被商家帶著你的想法,默默然跟風。想法和欣賞關係,要懂得思考值得批判、值得支持,而不是盲目地老師又中、老師又中。再講,香港攝影歷史,有架咩?

 

別以為自己是落選者的沙龍[3]吧,不會改變的老忽。

 

[1]〔藝術〕現代藝術:達達主義Dadaism

http://warmball.pixnet.net/blog/post/13727250-%E3%80%94%E8%97%9D%E8%A1%93%E3%80%95%E7%8F%BE%E4%BB%A3%E8%97%9D%E8%A1%93%EF%BC%9A%E9%81%94%E9%81%94%E4%B8%BB%E7%BE%A9-dadaism

[2]沙龍攝影和唯美主義

http://www.people.com.cn/BIG5/41426/41123/41124/3043925.html

[3]The salon des reeuses and the evolution of modern art

http://www.albertboime.com/articles/12.pdf

About Kaiser KS

Related Post