_KSD3937

影相,宜家有咩事都會影低佢,食飯影、上床影、行街影,生活個時好似多咗一個人咁,去到邊都要有另一個人嘅介入,影相好似變咗一個都市人嘅習慣,去到邊、食咗咩、坐咩車都要同媒體上嘅人交代。原本只一個人嘅生活就被他人介入,久而久之,係為咗影相而走去做一件事,生活與影相賓主關係換轉咗,好似有啲人去掛完banner之後大聲問下影咗相未,咁問題就嚟嘞,你做掛banner呢件事,到底係為咗影個一張相定真係為咗某個目標去做呢件事呢?到底影相係一個主導角色定係一個單純嘅紀錄生命嘅角色?

 

攝影對我而言係一個紀錄生命嘅媒介,而影相只不過係冷冰冰的按下快門,並冇情感可而,好似叫雞同溝女扑嘢嘅分別囉。好多人用相機強行介入當下,打擾當下嘅呼吸,破壞了當下的感情「1,2,3,笑」咁唔叫攝影喎,相機過分過介入,變咗好似相機主導咗你嘅生活,冇咗生活,咁你仲係咪攝影緊呢?

About Kaiser KS

Related Post