FED-1 (Type G)係我第一部真正嘅俄仔機,俄仔機好多時都有分唔同Type,最大分別係快門速度會有唔同,同埋機身上面刻字會唔同,當然再講深入的話其實係機械設計上面應該係有分別的
部FED-1由Ebay同烏克蘭賣家買入,配上一支50mm F3.5伸縮鏡(應該係INDUSTAR-22)。部機上片完全唔同我以前玩開嘅135機,同埋呢一部機取景同對焦係分開左兩個finder,可以話佢特別 又可以話佢唔方便啦,據說係因為當時技術做唔到將對焦放埋落取景Finder所以會咁,加上呢部機係無近視調較,好彩我無近視姐。

上菲林

拆鏡 拉片 開B快門 Zip入去 郁正條片

關蓋
開始拍攝
我嘅第一部FED1影嘅第一筒菲林

點解會有聖光(漏光)? 我周圍問人,同時聯絡賣家,經過我周圍問功課同檢查之後發現快門布有位置薄左。原因有可能係因為部機曾經係裝上鏡頭但無關上鏡頭蓋情況下對住太陽一斷時間
令光線聚焦而燒薄/薄穿布,而造成快門漏光。賣家當時佢係講可以退部機比佢換一部比我,但係因為香港寄件去烏克蘭郵費唔平,其實部機都唔貴,所以有啲唔係好想咁做,加上部機真係好吸引我,所以最後我決定自己去試下解決,去揾左一隻布用嘅顏料叫Fabric Paint,呢隻顏料唔使開水,油左上布之後好薄,唔會影響到快門運作。

整完試機

完仲係有 但好似有改善 所以決定再番手整 重覆整左應該三次

但仲係唔可以完全解決到漏光,之後我同賣家傾, 我比多一份相等退機比佢的運費,佢寄多一部比我,第二部FED-1到了同樣都係Type-G,但因為一部比較早期 一部比較後期,所以機身號碼位置有唔同。

呢部睇落好似無問題,又去試下機先,算叫做合格啦,但係有條邊係相片右邊,我唔信邪再試多一筒,同樣都係咁。我已經放棄左揾賣家,又向網友研究發生咩事,經研究後估計應該係快門過片後A B快門布有空隙漏光所引致。呢部FED-1同第一部塊快門布質地有D唔同,估計賣家換過,唔肯定係唔係因為咁而出現問題。

但經過同網友研究之後,發覺應該有一D土炮方法去解決左個問題。同埋其實個漏光唔係出現係相正中,我Crop左去都唔係大問題 所以到依加都未再理部FED-1了。

FED-1 呢部機令到我覺得玩俄機好麻煩,但係未出現抗拒,因為我之後再係英國賣家度買左FED-4,香港賣家手上買左FED-2。不過有一樣野真係唔可以唔提 : 俄仔機好多都好舊,你唔好預佢仲會操作上好好,加上俄仔機QC參差,呢個時代玩俄仔係會出現各重唔同奇怪問題,點解咁講?你睇埋FED-2 FED-4 就明點解。玩俄機真係要對佢有愛,唔好諗住真係可以庶渣的價錢,燒鵝脾的味道。

 

Related Post