13340130_10208320699568118_9105344654522797698_o

 

 
「香港遊」係上年七月,一次突然閃過既念頭。本來只係諗住用遊客既心態行下玩下就算,後來愈搵愈多地方,愈搵就成件事想變成「記實」。

The past defines the present. The present defines our future. 「香港」到底係一個咩既概念?又或者幾時先有「香港」呢個地方既存在?喺呢到我暫時唔深入討論。1842年開始就係英國既殖民地,1997年主權移交之後就變成中國既殖民地。呢一刻,係香港建國之前,喺呢一刻,我地所見到既社會同建築,都係過去英國同中國管治所留下既痕跡。

一個人若果唔知自己既根係落喺一個點樣既地方,實在叫人羞恥。特別近呢幾年,香港歷史不段被港共政權大肆篡改、香港文化正一步步受到北國文化既入侵,見證香港變遷既建築,只有遷拆還是遷拆,無一留低。餘下的只有冷冰冰無情既商業大廈、一式一樣只為北國人而建既商場。香港變得實在太快,有太多喺你留意到之前已經無聲無色地消失。文化同歷史係塑造一個地方既價值、社會建設、人文修養等等既主要因素,作為一個香港人,我地必須親身去探究呢香港,先能夠傳承我地既文化同價值。

上年既香港遊,影完啲相post左上Facebook就完唨,成件事好無意義。故此,我嘗試再講多少少留咗倩影既地方既歷史/有關既事。若有錯誤,懇請指正。
__________

【香港島】
「1842年鴉片戰爭後,英國同清廷簽訂《南京條約》,從此就開始一個多世紀對香港既管治」

英國人登陸港島之後,將港島按「四環九約」,劃分咗「維多利亞城」來管治。當時華洋分隔非常明顯,例如會劃分住宅區,顯然係因為文化差異(及洋人對華人的歧視)而致。開埠初期既港英政府,習慣無視華人,城內既建設同服務好多都只為洋人而設,華人既社區設施,往往都係有華商負責

今日,我地講起港島,大多會諗起「商業中心」。中環已經發展成為香港經濟既「心臟地帶」,週邊既地區例如上環、西營盤,甚至係東區,都急速要重建要發展。作為香港第一個被英國管治既區域,港島(特別係維多利亞城既範圍)有非常多有歷史價值既地方同建築,幸好,仲有一啲仍然保存。更有趣既既係,即使係中西區,都仲有好多充滿人文風情既小角落。

13346128_10208320699488116_412047535190880833_o

Related Post