在我眼中,攝影集不是為了滿足人們觀感、政治取態、取悅受眾,而是一種對自己的自我實現,證明攝影就是死亡。出不出名,對我來說,沒有什麼關係,自我實現的事,我自需要向自己交代。在前言中我說出我對每一個影像的理解是充滿感情,每一件都會用上自已最真誠,其他人不明白,是一種很個人的想法,可能我的觀點不能配合每一個人的想法。不需要是一本沙龍攝影集去看待,以構圖、色彩去評論 。我還是喜歡做一些比較悶的東西,每天沉醉在自己的思緒當中,每按下一快門,都是思考的成果。主觀的東西,不是太需要別人的認同,因為永遠不會得到別人認同,因為別人也有自已主觀,改變不到。我只可以做的是陳述自己觀察、思考的東西 。  

在香港無論做什麼都會變成服務性行業,做創立最後都變成服務客人的一個員工、過度商品化,「顧客永遠是對的」奴化了許多人,連做創作都變成這個可悲的情況。客人說要怎樣,你就必須要怎樣,不跟就沒有人工。不能說有什麼藝術堅持,除非你很有名氣的。最後為了搵食,必需要貼合市場需求,放棄思考和堅持,做一個掛著創意的服務員工。

今次講FED-2 (Type D),呢部機咁岩見到有香港人放,價錢同係Ebay買差唔多,可能仲平少少,配支INDUSTAR-26。呢一部其實同FED-1都好似, 但係佢就將取景同對焦放番入去同一個位,另外上片唔使係機底zip入去,整體黎講係比較方便,FED-1 無近視調較 而呢一部就有啦。 呢部就係有經典怪事 點解? 睇圖啦 第一筒菲林 Kodak Pro Image 100 好正常,好似無事。 第二筒菲林 Astrum Color Negative…

除了玩相機之外,買相機某程度上都變左我嘅樂趣。 我講嘅並唔係上二手交易區或實體店買 而係到夜冷和ebay找尋平價相機尋寶,上星期嘅198x年英國的菲林,到現時為止還未找回主人,同時亦感謝一眾巴絲幫忙,今次又出現舊菲林係舊相機,今次相機係由香港夜冷檔買入,第一部係,配一筒Kodak Gold 100 Exp. 24 根據相片上打印日期,拍攝年份應該是2004年,相片中貌似香港人,我拍攝地回則有香港和國外 另一部係Canon Prima Zoom 85,配一筒Kodak Gold 100 Exp. 36 根據照片上打印的日期,拍攝年份應該是1998年 相片中的人並不像香港人,有部份背景不像是香港,但同時有部份相片是在香港人熟悉的海洋公園所拍攝的。 Canon…

當初幾經辛苦,搞呢樣又搞個樣先入到城大,最後都係一秒鐘withdraft study 就咁quit咗u。好比人生辛辛苦苦努力幹,但最後也是一死的感覺。有人說我不為父母著想好好把學位讀完、笑我瘋狂。   我是讀創意媒體的,感覺每一天都將創意抹煞,什麼課程都要講創意project,不斷去創業,但是沒有input(有學過嘢?老師有教過嘢?權鬥人工就有份),沒有空間給予思考及吸收新嘢,不斷食老本,用回未入大學前的創意,基本上是強姦思考。在大學中所學到的是play by the rules. 不斷工廠式「創作」為幫啊sir爭光和參加比賽,只是學到工廠式工作。   取得到畢業證書可以保證到前途? 對不起,我看不到錢途,論技術只學得半桶水,講概念膚淺而無味,我對這個學位感到不安,會白白浪費金錢去買這個不能保證錢途的學位。每天都是面對打份工、對藝術無認知、權鬥的臉孔。可能我對大學有太過大的幻想,覺得大學生活很開心,其實每天都是被功課奴役,並不能夠稱得上生活。在城大的兩年真是失去很多東西,很多時間被各種無聊的東西佔據了,每天都在問自己在做什麼。在未讀學位前,我經常拍一紀實相片、拍些小短片、做些圖片故事、找工藝師傅飲早茶,在入讀學位之後,這些生活全部真的沒有了,這樣的生存方法真的會把我殺掉。   還掂讀完個degree都係搵唔到食,把心一橫quit u,做啲嘢自己鍾意嘅嘢算,影下相算數。洗乜擔心前途丫,前途從來冇存在過。  

FED-1 (Type G)係我第一部真正嘅俄仔機,俄仔機好多時都有分唔同Type,最大分別係快門速度會有唔同,同埋機身上面刻字會唔同,當然再講深入的話其實係機械設計上面應該係有分別的 部FED-1由Ebay同烏克蘭賣家買入,配上一支50mm F3.5伸縮鏡(應該係INDUSTAR-22)。部機上片完全唔同我以前玩開嘅135機,同埋呢一部機取景同對焦係分開左兩個finder,可以話佢特別 又可以話佢唔方便啦,據說係因為當時技術做唔到將對焦放埋落取景Finder所以會咁,加上呢部機係無近視調較,好彩我無近視姐。 上菲林 拆鏡 拉片 開B快門 Zip入去 郁正條片 關蓋 開始拍攝 我嘅第一部FED1影嘅第一筒菲林 點解會有聖光(漏光)? 我周圍問人,同時聯絡賣家,經過我周圍問功課同檢查之後發現快門布有位置薄左。原因有可能係因為部機曾經係裝上鏡頭但無關上鏡頭蓋情況下對住太陽一斷時間 令光線聚焦而燒薄/薄穿布,而造成快門漏光。賣家當時佢係講可以退部機比佢換一部比我,但係因為香港寄件去烏克蘭郵費唔平,其實部機都唔貴,所以有啲唔係好想咁做,加上部機真係好吸引我,所以最後我決定自己去試下解決,去揾左一隻布用嘅顏料叫Fabric Paint,呢隻顏料唔使開水,油左上布之後好薄,唔會影響到快門運作。…

喜歡玩同儲俄仔機嘅我係ebay,由英國賣家身上bid得一部Zenit EM(奧運版) 連 Helios 44M。為咗節省運費,所以件貨經集運送來香港,前後經過兩星期先到手。拆開,掉包裝,過片,㩒快門制,轉唔同快門速度,都無問題。咁我就無理到佢,直至番到屋企樓下,諗住打開片倉睇下啦,一開,我見有菲林嘅?即刻好快咁將蓋關上。點解我feel唔到有菲林咁失策? 因為一路過片 大大過過我都過左十將二十下,完住無過完片拉緊嘅感覺,回片桿更加無轉動。我番到屋企將部機放入黑袋將筒菲林回番出黎。筒菲林已經到尾,片尾齒孔亦到爛左。好回哂捲,係隻叫SupaSanps 嘅彩色負片。我懷住好奇同心諗有可能係賣家家人遺物嘅心係第日訓醒就拎咗去沖曬店度沖,我係沖曬店附近等左約15-20分鐘,係有野睇嘅。 我嘗試用ebay聯絡賣家,內容大概係話訓相機有菲林,我沖咗,有影像,想要相搵我咁上下。不過因為經過超過12個鐘都無覆我。英國時間亦由晨早去到晚上,我決定嘗試搵其他方法去搵賣家,我最初將賣家id名放試google 搵,點知比我搵到一個英國人嘅Wix,個網有佢一啲嘅作品。 http://dannykryan.wixsite.com/dannytwohands 當中佢嘅個人網站亦有佢嘅facebook,我為左再確定係同一人,我忽然間醒起Paypal嘅交易記錄應該有對方嘅email,我可以確定係同一個人,我再將ebay 個翻說話打多一次 結果佢真係有覆我 佢話筒菲林唔係佢,對於筒菲林嘅主人係邊個,已經搵唔到,可能日後會嘗試下係唔同網站投稿嘗試下去搵同呢筒菲林有關嘅人吧。