在今天突然想到,由當初出本年初一記事講返當夜事實,直到今日多人坐監,有點感慨,自己盡了力卻不能改變到什麼(當然出書並不是什麼高成本的抗爭)。九十後的悲哀,想改變又改變不到。九十後這一代是最可悲的,那些80後都上岸(我的意思不是想指出80後並不艱難,而是90後面對卻是前所未有的困難),90後卻在香港的輝煌的後期,享受到些少的美好時光,卻要由天堂走進地獄,徒勞的反抗,我們想改變,為自己的將來爭取更好生存環境,和平抗爭過,議會抗爭,武力抗爭,被舊世紀一耳光地任推翻。90後幸福過,但是正在看見幸福失去當中,悲哀在反抗不能。如果我們沒有幸福過,我們就不用這麼痛苦,覺得世界係咁架喇,聽日要考試,咪搞喇。   我哋仲可以做啲咩? 90後通常都係岩岩讀完書/ 岩岩搵工,講移民? 哪有資本? 做社會上流? 唔好意思,仲有好多人排隊,幾時到你? 買樓結婚做平庸的人民,唔好意思喎,啲樓被上一代炒到貴晒? 講香港身份問題? 上一代掛住搵錢,放棄咗喎。現在社會各種環境,加劇世代之間矛盾,走進一個死局。   但係我們又不甘心,但是面對一強大威權集團,已經上岸/ 資本主義利益集團/ 政府 等等,處處有得吃就吃盡,我們說過,掉過石,加入體制又加入過,結果什麼也沒有改變,我們又顯得無能為力。  …

經歷過雨傘運動及年初一動亂後,抗爭意識已經下降,或是命題轉換。多是自言自語,並沒有考慮到現實的情況,政府的一方,完全在高姿態的一方,而反抗的一方如同散沙,種子就散到不同地方、卻沒有發芽,沒有成長為能夠對抗高牆的樹苖。 有些人看到香港沒有未來,已經甘心放棄一切,當一隻工作奴隸,不再為政治議題煩惱,因為他們知道是沒有方法去救香港,賺錢去享受,賺錢去移民。 有些人還會有心研究一下政治議題,還會有心有力地去進行抗爭運動,當然實際作用不大,單純只是表態行為,他們也沒有很大的能力。 有些人是不滿還在抗爭的人士的行動,揶揄他們的行為,而這些人有都能凝聚一群支持者、動員能力。可是這股動員力並不是用來對議題的抗爭,而是用來揶揄別人做得不好,製造沒有目的內鬥,又是叫支持者限量課金支持他們的移民計劃。為什麼有錢人要幫窮人買樓,對吧?有號召力的人,為什麼要幫行動派,對吧? 這些種子不會長大,4年多了,還是各持己見。卻有些人承受了代價,各人高呼一句義士,作為失去前途的回報,然後回到facebook的世界,打下字批評人、找些雞毛蒜皮的事發大來說。可悲。 可悲、軟弱、無知的種子

[亂噙食評] 因乜解究凱撒你成日踩到啲嘢一文不值,咁啲嘢真係一文不值。講起冰室好嘢呢,當然係頹飯,頹飯最緊要係咩?個汁囉,個汁可以救起晒成個飯個啲餐肉、火腿。但係好多so call 「傳統冰室」連個汁都懶去調校,是旦整個老抽比你就算。旺角有間冰室幾正,(因為成日食呢間搞到比女飛),不過環境就差啲,佢就係執柒咗嘅 「蘭亭閣」,個名借用咗蘭亭序呢個名,幾文青。 佢個豉油係用蒜嚟釣味,都有老抽嘅甜,明顯係有心調校過,撈埋個半生熟蛋黃汁,簡直係神級頹飯。要我係女友同神級頹飯,我會㨂神級頹飯。

  [亂噙食評] 龍凰冰室,食過最垃圾嘅常餐,常餐炒蛋差過m記,好似用粉溝出嚟咁,菠蘿包又濕又冧,似過夜包叮返熱比你咁,奶茶似用粉沖咁,冇茶,冇奶味,意粉淡而無信,個湯味道奇怪,雞翼煮到老過你啊嫲。仲要收人60蚊,呢個餐只值15,佢話自己拎咗好多獎,但連奶茶都整唔好。 講真,我食嘢好少比機會新餐廳,好易中伏。[亂噙食評] 龍凰冰室,食過最垃圾嘅常餐,常餐炒蛋差過m記,好似用粉溝出嚟咁,菠蘿包又濕又冧,似過夜包叮返熱比你咁,奶茶似用粉沖咁,冇茶,冇奶味,意粉淡而無信,個湯味道奇怪,雞翼煮到老過你啊嫲。仲要收人60蚊,呢個餐只值15,佢話自己拎咗好多獎,但連奶茶都整唔好。 講真,我食嘢好少比機會新餐廳,好易中伏。  

  冰室常餐,可能真係要舊冰室先煮得好,話說16年旺角個間文華冰廳老闆話唔再做,執咗。係冇幾耐之後,係金魚街又開返間文華冰廳,係大興集團開,啲伙記戴住手套又掂食物又掂錢,一個常餐收40蚊。完全冇咗文華個種味,沙牛冧晒,炒蛋又唔得,奶茶又唔得。

[亂噙食評] 中環一樂燒鵝,聽講好多人話好好食,我已經避免咗繁忙時段hea整,首先講價錢,中環呢啲位,仲要燒鵝,叫埋杯凍奶茶,60蚊到,冇計。可能平時食開啲燒味飯家係大大碟,一樂啲燒鵝飯真係細過頭,係大鳩樂嘅一半,可能office友唔想太飽卦。 飯身太軟,冇飯味,太多水,吸晒啲鵝汁之後…..不過個汁係幾好,值得買佢包汁返屋企撈飯。個燒鵝,瘦,燒到有點過熟,有少少燶味,似乎有啲名過於實,講真,隻鵝未做到一般燒味鋪嘅標準,不個個汁就係超班嘅。

相太多求期放幾張,呢啲位亦好多,最常見就係一堆面罩阿,又或者公仔。公仔出現嘅地點都合理,係學校(幼稚園? )但位置一定唔合理啦。但面罩係乜野一回事?面罩防到輻射?可能防到吸入輻射塵嘅。但點解會成地面罩的就真係唔明白 。

  這是我第一次拍攝Body modification,過程也很順利。有些人會覺得自己應該是多一樣部分,有些人會覺得自己少一些東西。

    Chernobyl 話哂係全球廢墟大佬,無錯,我好認同。因為呢個區域,有唔同種類嘅廢墟,但係事實上,入去影相就係影垃圾,一堆唔只係舊 仲要爛鳩哂嘅野 呢個地方雖然背後係有一個好慘痛嘅歷史,但其實有好多野係好唔合理,好多位置擺到明係安排過,什至係擺左一啲「道具」去比人影相,而呢十張圖係我覺得比較真實嘅野 我對切爾諾貝爾事件真係冇太深入了解,我唔明白點解呢個地方會亂哂,明明爆核電廠,漏輻射,走人,係好短時間嘅事,理論上啲野唔會亂架。雖然有可能係之後有部門去清除污染物,又或者有人去將值錢嘅野拎走哂所以亂哂,但我覺得我要見到嘅野並唔應該係咁 Chernobyl 係值得去,一定要兩日團。但真係一次就夠,或者有機會,我可以冬天去join 個一日tour去再睇下落雪嘅呢個地方係人地所謂嘅幾靚嘅 。