13022452_1200570249983339_919733344_n

自我有認知以來, 長年累月都係新聞上聽到 「以巴爆發衝突」, 「以巴關係緊張」…… 咁到底, 以色列同巴勒斯坦點解會有打唔完嘅仗呢?

這是一個很長的故事……

大家都聽過<出埃及記>, 摩西帯住一班奴隸 (希伯來人) 穿過紅海, 去到上帝所講嘅 「流奶與蜜之地」 即係今日嘅耶路撒冷 (以色列/巴勒斯坦), 而希伯來人即係如今嘅猶太人。

而猶太人係世界上公認嘅聰明民族, 這個民族出很多巨富, 諾貝爾獎得主, 奧斯卡獎得主…… 總之係出了很多有成就的人, 而且據說美國有70%的財富係控制係猶太人手中。

但猶太人一路走來不容易, 佢地係兩千年前, 曾在巴勒斯坦建立以色列王國, 然後分別被亞述人、巴比倫人、波斯人及希臘人統治過, 最後打仗輸咗比羅馬人, 傷亡慘重, 生還者流亡係世界各地, 而且去到其他國家仲會受到一些「反猶分子」打壓, 屠殺, 其中表表者係德國嘅希特拉 (呢個應該全世界都知)。

然而, 我睇<塔木德> 時發現, 上世紀有大量嘅猶太人係跑到美國發達嘅!! 佢地開大型酒店, 石油公司, 甚至迪士尼, NBA, Adidas… 嘅老闆都係猶太人! 高盛, 華納兄弟, 所羅門兄弟…… 嘅創辦人都係猶太人! 華爾街精英有50% 係猶太人, 由一九一三年開始, 美國聯邦儲備局美聯儲歷任主席幾乎全部係猶太人! 《紐約時報》、《時代》週刊、《新聞週刊》、《華爾街日報》, 美國三大電視網都係猶太人嘅勢力! 連我地而家睇緊嘅臉書嘅創辦人都係猶太人!

猶太人係美國嘅影響力, 係大到可以決定邊個做總統 !

簡單講過猶太人之後, 而家講番羅馬啦……

羅馬佔領咗耶路撒冷之後, 統治咗接近四世紀嘅拜占庭時期, 耶路撒冷成為基督教重心, 但二十三年之後回教軍率軍隊進駐耶路撒冷, 所以呢個城市就變咗伊斯蘭教所在地, 然後耶路撒冷又經歷過大馬士革王朝同巴格達王朝統治, 又經歷過十字軍東征重建基督教, 又經歷過庫爾德, 薩拉丁, 埃及統治又變番回教…… 總之, 而家嘅巴勒斯坦係回教, 係阿拉伯人啦!

咁阿拉伯人係好好客嘅! 佢地歡迎猶太人去佢地嘅地方作客, 比佢地地方住, 比食物佢地食, 猶太人路過, 佢地都地拉住人地請人飲茶! 對猶太人非常之熱情! 之後阿拉伯人嘅好客, 係猶太人之中一傳十, 十傳百, 就愈來愈多猶太人去到巴勒斯坦定居, 由當初十萬, 二十萬, 到建國初期八十萬, 到而家超過成八百萬!

至於點解以色列點解可以係巴勒斯坦建國呢?

本來巴勒斯坦係由英國管治嘅, 但係一九四七年管治期結束, 聯合國將55%土地分比猶太人, 剩下嘅45%比阿拉伯人! 自此猶太人就係巴勒斯坦建立佢地嘅以色列國!!

可以係圖中見到, 由圖一變圖二。

呢個決定對巴勒斯坦人嚟講非常唔公平, 因為大部分嘅土地分咗比外人, 而且果部分土地資源係最豐富!

理所當然, 阿拉伯鄰國都反對以色列建國, 於是發動咗一年半嘅中東戰爭, 埃及、約旦、敘利亞、黎巴嫩、伊拉克及沙烏地阿拉伯等六個阿拉伯國家聯合出兵進攻以色列……

呢場仗, 以色列勝利, 所以版圖由圖二變圖三。

其後, 每一次和談, 以色列都得到美國嘅支持同偏袒, 再加上以色列對巴勒斯坦嘅打壓, 巴勒斯坦嘅難民已經超過五百萬, 版圖亦愈來愈細。

見圖三變圖四。

至於以色列對巴勒斯坦嘅打壓有幾嚴重? 以加沙為例, 用高牆封起, 凡高過三層高嘅樓, 會被開槍示警, 如果人唔散, 就直接剷平! 學校畢業典禮, 眾人在領證書, 十二點沒到午飯未吃, 學校就受到以軍空襲, 栽培幾年嘅學生就無晒……

所以以色列對巴勒斯坦嘅政策絕對鐵腕, 絕不留翻身嘅餘地!

到底誰是誰非? 猶太人曾經被亡國, 被屠殺, 被打壓…… 很可憐很值得同情是沒錯, 但說到底阿拉伯人也沒欠你們甚麼, 人家熱情好客, 請你吃請你住, 你卻在人家的家建國也說不過去呀!

現在超過五百萬巴勒斯坦人四處流亡, 寄人籬下, 未知又會否重走猶太人的路, 冤冤相報, 若干年後又要復國, 不停的戰爭, 不停的屠殺, 流亡…… 無限循環……

Related Post