其實2014年呢舊其出現，當時嚟講有希望成為香港版本AP、Getty，咁我都係當時其中一個要員。「理念高尚，實行者鳩」，USP號召了許多社運攝影師，為社會運動進行即時報導，在云云網媒中，USP以高質新聞為主打，而九十後社會紀實就受到當時召集人Manson邀請加入(我們當時在2013年開始已經開始即時報導)。在USP經歷了多次重大社會抗爭，進行了不少高質的攝影報導，當時真的有希望成為香港的通訊社。當時直頭搞埋自己自己嘅相展 《時代的記憶》，當然喇，睇開TVB劇嘅你就知會發生咩事喇，因為大家都係華人，華人、華夏文化最重鍾意係咩。好聽啲咪意見分歧，難聽啲咪內鬥。當時我算係第一批走嘅人，之後愈走愈多，最後臨時拉夫，搵幾件卡拉蘇去做報導，報導質素大不如前，咁我就繼續做返好自己社會紀實。之前都有唔同以攝影、即時報導做主打嘅網媒出現(Resistance Live Media，TMHK之類) 不過講以攝影質疑嚟講，得TMHK keep到個質素。之後仲有HK01出現，而佢哋個新聞攝影真係好強，同蘋果個啲可以打過。 好喇，網媒歷史就講完，到底九十後社會紀實，書又出咗，香港舊嘢拆到冇咁滯(我係一個唔會安於現在嘅人，對自己創造嘅嘢，係想一手破壞佢)，人力資源又冇乜，要走咩路線呢，又做返USP舊路? (唔好喇，管人嘅嘢我點識，同埋九十後社會紀實好似係一件好浪漫嘅事，做返即時報導網媒會唔會嘥咗啲，呢啲咁偉大嘅嘢留返比啲正常人做，我唔係太岩囉) 。我明白到做政治即時新聞，一定呃到好多like，但係大家都政治疲累，而九十後社會紀實的定位不應該為Propaganda、呃like、炒花生去生存，我試過，咁樣好易迷失自己， 做一個長期紀實香港衰落? 做一啲社會實驗? 探訪人性的攝影? 我不知道。

今期有數個保育問題值得探討

今期90後時代有學民思潮人士分享過去一年發生既事，另外有攝影師影左一輯關於中環價值的相，當然仲有90後寫既文章la   http://issuu.com/90sfoto/docs/full_verson_2

我和拍檔已主理90後社會紀實工作了超過半年，半年以來，九十後除了由除初的相片便是我們的文字，演變成有相片、漫畫、生活的一個集合體。在今天，我們希望為九十後社會紀實送上一份禮物—90後時代。