Mar 21st, 2017
成日講紙媒已死，蘋果日報點點點，明報點點點，另立新媒體，但超級mean咁睇，咪又係炒稿加啲評論上網搵張圖，可以話，宜家出現評論多過報導，失衡的局面。 第一，資訊轉移會資訊流失、添加立場、炒啲唔炒啲。第二，己經話唔信任主流傳媒，但就係咁用佢啲嘢。第三，一手料來源愈來愈少。第四，我都最關心，新聞需要一張剌點照片，宜家cap張圖就當係新聞圖。(唔好同我講資源問題，蕭雲0資源都做到嘅嘢，點解其他人做唔到，雖然立場唔同，我幾鍾意佢嘅報導，起碼有圖、有心寫文字、有親身去採訪，而唔係炒稿) 立場問題唔會太鍾意hk01、端等等(你懂的)但係人哋報導真係可以稱之為「傳媒」，因為有圖，有記者落地，有採訪一手資料，唔係office度上fb炒新聞，報導手法係有過手，但係事實上hk01同端都有做hard news之餘，仲有soft news(自己google喇)，點解唔可以提升質素呢？ 正所謂「敵人做到嘅嘢，點解『我哋』做唔到」。 我睇ap、Getty不知幾開心，大把有剌點嘅新聞相睇，即使冇現場相睇，都有唔同嘅stock photo，而唔係同一張stock photo用足十幾年。有圖有真相的重要性。 紙媒己死，咁要做啲嘢去證明有嘢真係超越紙媒，口號式屌冇用的，實力證明一切 ，被動變做主動。新媒體運動就係炒稿之後係咁評論？過多一陣咪冇人睇。在網上羅列自己做過什麼，同我拎咗新聞奬先講zzzz。個啲咩派別鬥爭，又點，香港遲早一鑊熟，我只想係未一鑊熟前睇下啲好嘢。 (mass media基本上係對大眾嘅概念，掀發一啲污染嘢，都係想大眾知，如果唔想大眾睇，不如127.0.0.1，ok?) 不斷高比率做同一個議題，會令群眾產生厭倦，unfollow，撥掘新議題是必須(不需要太黃色，否則成為壹週刊二世)，新議題除咗政治宣傳、滿足大眾口味(少少喇，離地少少都得)，公眾利益(太離地太虛無又唔得)、色情暴力(唔健康但賣得紙) 「紙媒己死，然後呢」的確需要思考。 自問讀得書少，大把錯字，大家明就得
